Publisert: , Oppdatert:

"LOS 120" døypt i Kristiansund

Tirsdag 11. mai blei det siste tilskotet i losbåtflåten til Kystverket, "LOS 120", døypt i Kristiansund.

Losoldermann Emil Heggelund får flaska som gudmor Gro Hodder skal bruke til å døype "LOS 120" med. Alle foto: Geir TøvikGro Hodder frå Kystverket Midt-Norge fekk æra av å vere gudmor for "LOS 120" då den blei døypt ved piren i Kristiansund.

"LOS 120" blir fast stasjonert ved losstasjonen i nordmørsbyen. Den erstattar "LOS 102", som skal omplasserast til Finnmark.

Losfartyet er det tredje i denne serien som blir bygd ved Dockstavarvet AB i Sverige. Dei to foregåande, "LOS 116" og "LOS 118" er stasjonert på Fedje og i Ålesund.

Dei nye losfartya er konstruert for å halde vekt, drivstofforbruk og avgassutslepp så lavt som mogleg. Det er også fokusert på å skape eit moderne og godt arbeidsmiljø for dei som skal ha sitt daglege verke om bord.

– Vi har hatt fartyet her nokre veker allereie. Det er ein kjempebra båt med gode sjøeigenskapar. Alle losbåtførarane er veldig godt nøgde med fartyet, seier losbåtførarformann Geir Tøvik.

Kystinfo kart

Tillitsvalgte og direktører i losforbundet og kystverket

Siste nytt