Publisert: , Oppdatert:
112 millionar til konkurransedyktig sjøtransport – felles utlysing av tilskotsordningar
15. desember er søknadsfristen for tre ulike tilskotsordningar som Kystverket forvaltar; tilskot til godsoverføring, tilskot til effektive og miljøvennlege hamner og tilskot til hamnesamarbeid. Til saman kan 112 millionar kroner tildelast søkarar med kvalifiserte prosjekt.
Forutan ein felles søknadsfrist 15. desember 2019, har dei tre tilskotsordningane det til felles at dei skal legge til rette for ein konkurransedyktig sjøtransport slik at sjøvegen blir vald for transport av gods der dette er mogeleg.
– Å styrke konkurranseevna til sjøtransporten er ei viktig oppgåve for Kystverket. Desse tilskotsordningane er nokre av verkemidla Kystverket kan nytte i det arbeidet. Vi har opplevd stor interesse om ordningane, og vi vonar at dette fortset i 2020, seier avdelingsdirektør Sven Martin Tønnessen.
Utlysinga skjer med atterhald om at Stortinget vedtek forslaget til statsbudsjett for 2020.
Meir informasjon om dei ulike tilskotsordningane finn du her:
Godsoverføring
Tilskot til godsoverføring frå veg til sjø skal bidra til godsoverføring gjennom etablering av nye sjøtransporttilbod for gods som i dag går på veg. Reiarar innan EØS, med skip flagga i eit EØS-land kan motta tilskotet i maksimalt tre år. I forslaget til statsbudsjett for 2020 er det sett av 50 millionar kroner til ordninga.
http://www.kystverket.no/godsoverforing
Kontaktperson: Erika Marlen Støylen
Effektive og miljøvennlige hamner
Tilskot til investering i effektive og miljøvennlege hamner skal bidra til å auke effektiviteten i logistikkjeda gjennom tiltak i hamn. Prosjekta skal munne ut i redusert tidsbruk for skip og lastebilar i hamn. I forslaget til statsbudsjett for 2020 er det sett av om lag 51 millionar kroner til ordninga.
http://www.kystverket.no/effektivehavner
Kontaktperson: Øyvind Sandbakk
Hamnesamarbeid
Tilskot til hamnesamarbeid skal bidra til auka transportkvalitet og reduserte prisar i hamn. Hamnene skal samarbeide om felles løsningar som kan bidrege til at kostnadane for brukarane i hamnene går ned. I forslaget til statsbudsjett for 2020 er det sett av om lag 11 millionar kroner til ordninga.
http://www.kystverket.no/havnesamarbeid
Kontaktperson: Øyvind Sandbakk
Siste nytt
-
Stigende trend i cruisetrafikken
Cruisereiser til norske destinasjoner er populært som aldri før. Kystverkets anløpsstatistikk fra 2019 viser nær 2800 cruiseanløp til norske havner; en økning på 783 anløp over fire år.
-
Millionbot for oljeutslipp i Alnaelva
Sporveien forårsaket i mai 2018 at 28 000 liter olje forurenset et større område på land og sjø Ryen ved Oslo. Kystverket anmeldte Sporveien as for brudd på forurensingsloven. Nå er de ilagt én million i bot.
-
Lanserer 112 nye digitale seilingsruter for Vestlandet
Routeinfo.no er utvidet med 112 nye seilingsruter i farvannet fra Haugesund til Stad ‒ som et ledd i etableringen av en nasjonal digital rutetjeneste for tryggere og smartere sjøtransport. Rutetjenesten gir navigatører tilgang til kvalitetssikrede seilingsruter og viktig ruteinformasjon ved anløp.
-
Reduksjon i sikkerhetsavgiftene og økning i losavgiftene
Samferdselsdepartementet har fastsatt sektoravgiftene for 2020. Sikkerhetsavgiftene reduseres med 2,7 prosent i gjennomsnitt. Losings- og losberedskapsavgiften økes med to års lønns- og prisjustering på 4,3 prosent, mens farledsbevisavgiften økes med 2,3 prosent.
-
Endringer i statlig slepeberedskap
Kystverket har fortsatt det faglige ansvaret og er ansvarlig myndighet for den statlige slepeberedskapen. Men Kystvakten får fra nyttår ansvaret for den operative utførelsen av tjenesten etter avtale med, og på oppdrag fra Kystverket. Ordningen skal gi mer effektiv bruk av statlige ressurser og samtidig styrke slepeberedskapen.
- Gå til nyhetsarkiv