Frå 1. september 2026 går noverande leigekontrakt for losstasjonen i Florø ut. Kystverket ønskjer difor å få oversikt over kva som finst av mogleg lokale i området for ein ny leigeperiode på ti år.

Vi startar prosessen tidleg for å gi utleigarar som eventuelt må tilpasse lokala sine, tid til å melde interesse. Ny leige av dagens losstasjon kan også vere eit alternativ. Målet vårt er å sikre open konkurranse om kontrakten.

Vi ser etter lokale på om lag 150 kvadratmeter brutto, med følgande fasilitetar:

• Seks soverom med eiget bad

• Eit romsleg kvile- og pauserom

• Tilgang til kjøkken

• Vaskerom/toalett

• Gjerne eit lite kontor

Lokala må vere godt egna for kvile og vere godt støyisolerte.

I tillegg treng vi parkeringsplassar for 4–5 tenestebilar (el-bilar), der minst éin plass må ha elbilladar.

Lokala må vere klare til innflytting seinast 1. september 2026. Har du eit eigna lokale, eller ønskjer meir informasjon? Ta kontakt med losoldermann i Vestland, Kjell Asle Djupevåg i Kystverket innan 15. september 2025.