Kva skjer med sjøtransporten når verda endrar seg raskt? Kva kjenneteiknar utviklinga i sjøtransporten som er så viktig for norsk næringsliv og norske kystsamfunn? Og kva bør vi førebu oss på for framtida?
Kystverket har eit viktig samfunnsoppdrag; å utvikle kysten og havområda våre på ein trygg, effektiv og berekraftig måte. For å løyse dette oppdraget treng vi kunnskap – og vi ønskjer å dele den. Kvart år gir vi ut ei fagleg artikkelsamling, Status, med faglege perspektiv og konkret innsikt frå dyktige fagfolk både frå Kystverket og eksterne fagmiljø. I Status løfter vi fram aktuelle tema og utfordringar som formar framtida for sjøtransporten og norsk kystforvaltning. Målet er å skape forståing, interesse og gode samtalar – på tvers av sektorar.
- Sjå nyaste utgåve: Status 2025
Kystverket har eit særskilt ansvar for å ivareta sikker, effektiv og miljøvenleg sjøtransport. Artikkelsamlinga gir innsikt i kva utfordringar og moglegheiter vi står overfor, og kvifor samarbeid mellom stat, næring og forsking er viktigare enn nokon gong. Samlinga gir faglege perspektiv og konkret innsikt frå forfattarar med unik fagkompetanse.
Status 2025 inneheld fagartiklar som temamessig er retta mot fire samfunnsendringar:
- Samfunnssikkerheit
- Framkome
- Klima og miljø
- Innovasjon og tenesteutvikling
Artiklane kan vere ein inngangsport til nye diskusjonar og samarbeid med næringsliv, industri, forsking og andre delar av samfunnet.
Målet med publikasjonen er å dele kunnskap om viktige maritime tema, bidra til at den blir brukt vidare, og skape nysgjerrigheit og innsikt i aktivitetar på sjøen.
Har du tilbakemeldingar, spørsmål eller forslag til framtidige utgåver? Vi vil gjerne høyre frå deg!