Tilskotet til effektive og miljøvennlege hamner kan nyttast til investering i hamneinfrastruktur, tilkomstinfrastruktur og mudring. I statsbudsjettet for 2023 er det løyvd 98,2 millionar kroner til denne ordninga. Fristen for å søke er 15. mars 2023. Det er mogleg å søke om eittårige og toårige prosjekt.
– Årets budsjett vidarefører budsjettauken frå statsbudsjettet i fjor. Erfaringa vår er at det kjem mange søknadar til denne tilskotsordninga, så skal ein nå opp i konkurransen må søknaden vere god. Det er difor viktig at søkarane tenker nøye gjennom kva slags positive vinstar prosjekta kan gje, seier seniorrådgivar i Kystverket, Øyvind Sandbakk.
Fristen for å søke er 15. mars 2023. Meir informasjon om ordninga finn du på www.kystverket.no/effektivehavner