Årets utgåve tek opp fem område som er sentrale for korleis sjøtransporten utviklar seg framover:
- nasjonal sikkerheit og samfunnets beredskap
- effektiv sjøtransport for næringslivet
- ein grønare og meir konkurransedyktig maritim sektor
- tryggare sjøveg – færre ulykker og raskare respons
- kompetanse og teknologi som drivkraft for gjennomføring
Når vi ser desse tema i samanheng, blir det også tydelegare kva utfordringar og moglegheiter vi står overfor.
Målet med publikasjonen er at kunnskapen ikkje berre blir delt, men også brukt. Vi ønskjer at artiklane skal vere nyttige for fleire – for dei som arbeider i næringa, i forvaltninga, i forsking og utvikling, og for alle som på ulike måtar har ein relasjon til kysten.
Vi håpar at Status 2026 både gir innsikt, set ting i samanheng og skaper nysgjerrigheit – og at kunnskapen kan vere til nytte i vurderingar og beslutningar framover.